مين يتذكر أيام راحت زي السكر- عبدالله دبلول

Channel: ALNEFARI

246,203

TIP: Right-click and select "Save link as.." to download video

Initializing link download... Initializing link download.....

مين يتزكر مين يتزكرأيام راحت زي السكر ؟الهم مايقدر يدخل بيوتنا فيها لو يتمنطر لما نرش الخارجه ونجلس بالنا صافي ولايتعكر اللي بيلعب كيرم واللي بيلعب إننن وحاله اتبعتر واللي حاطط تبسي بياكل حبة دقه وعيش مقمر واللي متسلبط عند ستو حكينا عن شيبوب وعنتر واللي معاه خاطر يكووه إلين مايبان اللحم الأحمر
مين يتزكر؟ مين يتزكر ؟ مين يتزكر؟
أحلى زمان لمن نسمع ياهل البيت وصفقه جيه من الدرجان وامي تقول وهـ يا ندامه باين هدولا الجيران أجري قوامن قول لأبوك يجبلنا فوفل ولبان وكربو حوت وكربو مر ونُقل من آخر دكان وأهلا وسهلا ستي خديجه وآنستينا ياأم فلان وهاتك بوس يحوس حوس ساعه وهما على الدرجان ويخص عليك ليه ماجبتي سعاد وأمينه ودلش وأمان وبيني وبينك لو جابتهم لا يخلوا الحاره مروستان وشويه ويتملى المجلس وهاتك من هرج النسوان شفتي طبينة بنت عم شاكر مخبصه وشها كيف ألوان ولابسه كُرته أبو مرايه وكُندره حقت أمريكان لا والحرمه مسويه فُرمه وهي تهيت أبو وردان ولابسه الرشرش وخرص منقرش وبناجر وخلخال وتُعبان والله خساره فـي جتتها حرمه خسيسه ومالها أمان شايفه نفسها في عمى ونص وكأننا فـي عينها دبان وجده جميله تقول اتلموا ومالنا فـي عباد الرحمان وافسرلك يختي العافيه شاكلتي مره تايره عليا توصف لها ستي فتو مروخ وتقول لها ادهني منو شويه ولفلفي نفسك في الدقديل وخشي راسك فـي النامسيه وفريده تقول خلونا نرتب دخلة بنتي الجمعه الجيه نفسي أجيب لعابه ياأختي ونخليها ليله هنيه الزمي توحه لا سوني أحمد ولا صالحه بلطجيه وعندك كاكا ولاّ كرامه وإبتسام لطفي وحماديه طيب وطلبات اللعابه سيبي هادي الحاجه عليا صكر نبات وراس السكر وهيل مكلل بالصينيه ودخان بستاني وورق الشام هي بنتنا يختي شويه تضحك سعده تقول ياجماعه نسيتوا حكاية الدبابيس نبغى نطزطز فيها الاخ اللي مسوي لنا فيها عريس وهرجه في درجه في تفاسير في ضحكه في غمزه في تشميقه ولعبة كمكم وحزازير وأشياء تفك عن الصدر الضيقه وهادي تقول لا تطالعي كتير وانتي عيونك زي بُريقه وهادي تدل على فرقنا وهادي تقول نازله سويقه عالم كانت زي الفل عالم هرجها موسيقه