تبييض سمار الرقبه بطريقه طبيعيه وسريعه

Channel: قناة أسرتي

430,032

TIP: Right-click and select "Save link as.." to download video

Initializing link download... Initializing link download.....

سمار الرقبة مشكلة محرجة جدا
للمتزوجات والبنات وخاصة للمتزوجات
اللي ازواجهم بيحبوا يحشروا نفسهم
في كل حاجة ويسالوا او يغلسوا او
احيانا من النوع اللي مايلاقيش في
الورد عيب يقوله يا احمر الخدين


اسبابها

كتيرة قوي من اهمها الوراثة والسمنة
والاحتكاك واحيانا الحمل ورش
البرفيومز علي الرقبة ولبس سلاسل
واعقاد من مواد صناعية بتعمل حكة
وحساسية للرقبة.
نحاول بقي نتجنب الاسباب ديه قدر
الامكان ونقلل وزننا ونقلل الاحتكاك
ومش نلبس سلاسل او اكسسوارات
من مواد مجهولة الهوية تعمل لنا
حساسيات و سواد والتهابات وكمان
نقلل من الهدوم والطرح اللي مصنوعة
من الياف صناعية وياريت لو يكون كل
لبسنا علي المكان ده قطن.
واحيانا بنعتقد ان سمار الرقبة ده
سوري يعني في اللفظ قذارة او قلة
نضافة لها فبنقعد نفرك فيها بالليفة
لحد ماتحمر قال يعني بعدما تحمر
هتتقلب تبقي بيضا
مع ان العكس تماما طالما رقبتك
اسمرت من البداية يبقي اكيد في
سبب لسمارها ده لازم تعرفيه
والسمار ده مش هيروح بالدعك لا ده
بالعكس هتسمر زيادة مع الدعك
الجامد و هتكون حاجة اسمها
التصبغات التالية للاندفاع ويزيد غمقان
اللون ويمكن مساحته تكبر كمان
يعني زودنا الطين بلة


طبعا هو الحل ده مش بيعالج السبب
ولكن بيحاول يتغلب علي صبغة الخلايا
قدر الامكان.
اكيد النتيجة مش هتكون 100% بياض
ولكن هتكون علي الاقل 70% ويمكن
اكتر يعني هنحاول ننقذ الموقف.
وبالنسبة للسمار اللي بيطلع في
الرقبة فجاة اثناء الحمل فده بيروح بعد
الولادة بس بياخد له شهرين تلاتة.

الحل بامر الله في تلات خطوات وبس
بشرط ارجوكم المواظبة
و الطريقة اللي بقولها واللي هي
حصرية جدا جدا وانا الحمد لله رب
العالمين انفرد بيها في كل المنتديات
ونتيجتها تحدي ان شاء الله.
والعلاج ده للسمار اللي يعني غمقان
درجة اتنين تلاتة عن لون بشرتك
العادي مش غمقان شديد لان الغمقان
الشديد محتاج دكتور ضروري يفتي
في امره.

الخطوات:

1- تونيك طبيعي 100% ان شاء الله
هيفتح و ينقي الجلد في المنطقة ديه
ويجدد الخلايا
(التونيك ده ممتاز لكل الجسم مش
للرقبة بس ويجب احتياطي تجربته
علي منطقة صغيرة من الجسم الاول
ومراقبة حدوث التهاب او حساسية
لدي بعض الافراد)

الادوات:
قشر فاضي تقريبا لاربع خمس
ليمونات (القشر بعد ما تفضي ميته).
واوراق شاي اخضر تقريبا كمية ملو
معلقتين كبار.
وكباية كبيرة ونص ميه (تقريبا 750
ملل).

طريقة تحضيره:
هتحطي المكونات اللي فوق ديه كلها
تغلي علي البوتجاز مع بعض لمدة
عشر دقايق تقريبا ولما تيجي تقفلي
علي الخليط ده زودي عليه نص كباية
ميه ورد اما تكوني عملاها في البيت
او جايباها من العطار او من الصيدليه
علي راحتك.
وتصفيه وتشيلي القشر وورق الشاي

طريقة الاستعمال:
تحطيه في زجاجة ببخاخ ياقمر
ووانتي رايحة والا جاية في البيت
ترشيه علي رقبتك وتسيبيه شوية
كده وتمسحي بقطنة نضيفة ورقبتك
لسه رطبة بيه مش ناشفة
وممكن كمان مش ترشيه وتمسحي
بيه رقبتك بقطنة علي حسب
ماتفضلي
مالوش عدد محدد من المرات يوميا.
2- دهان يومي للرقبة

هنحتاج الي: داخل الفيديو



طريقة التحضير: داخل الفيديو

أهلا وسهلا بكم في قناة أسرتي
قناة تهتم باسرتكم من كل النواحي