شيلة دورت بين الناس , جديد المبدع عبد العزيز العليوي من أشعار عبد الرزاق بن محمدي

Channel: mrfantaasticify

1,259,425

TIP: Right-click and select "Save link as.." to download video

Initializing link download... Initializing link download.....

جديد المبدع عبد العزيز العليوي @a_alolaiwi
شيلة : دورت بين الناس
للشاعرالمتألق عبد الرزاق بن محمدي @a.razag.m


دورت بين الناس منهو له الطيب
ساس وجذوره في ثرى العز تسقى

بين القرايب والعرب والأصاحيب
مختلفة الألوان بيضا وزرقا

أحدن كساه العيب واحدن بلا عيب
واحدن نزل بالقدر والغير يرقى

واحدن ليا جيته يسوق التراحيب
يا مرحبا يا مسهلا دمت تبقى

واحدن ليا جيته يسوق العذاريب
عنده من أنواع المعاذير تلقى

واحدن حشيم وخوّته خوّة الذيب
واحدن ليا خاواك تتعب وتشقى

واحدن ثيابه مالكرم مالها جيب
لو كانت ايدينه من الدين غرقا

واحدن عطاه الله مايملي الجيب
ويدور من الناس معطى ونفقا

واحدن قباله يجذب الهم والريب
واحدن بوجهً سمح وحجاج طلقا

واحدن إذا تنخاه راعي مواجيب
واحدن يدور لك عذر وين يلقى

واحدن حفظ سرك عن الناس بالغيب
واحدن فضحه وباح غربن وشرقا

واحدن فراقه عيد لو كان بيغيب
واحدن تموت إذا انكتب عنه فرقا

وانا مع عيال الكرم والمناجيب
اللي معانيهم من الطيب وانقا

اللي مخوتهم معي مابها ريب
وادموعي لفرقاهم تهل هرقا

أدوّر اللي خوته فالمكاسيب
اللي بزين الطبع يسرقك سرقا

اللي فشفك مادرى بالمصاعيب
والا الردي بيباننا عنه غلقا

اما الخوي اللي من فعوله تشيب
روس وملاقاته لها نفوس شفقا

حظه من الجنات ياعلّه يصيب
ويعل داره من مخيلات تسقى

عبد الرزاق بن محمدي