حل لغز السلم الذى حير الجميع

Channel: AhmedLionHeart

4,880,544

TIP: Right-click and select "Save link as.." to download video

Initializing link download... Initializing link download.....

سلام عليكم , يا جماعة أنا مهندس مدني وبأكد لكم إن موضوع السلم اللي في الفيديو ده خدعة , وكنت إكتفيت بتوضيح وشرح الموضوع بإختصار في تعليق على فيديو لغز السلم بس لقيت ناس بتجادل في العلم بجهل جداً وناس داخلة كل يوم تعلق وتحل حلول غريبة وكأنها مسابقة فوازير لأفضل حل , فقلت أرفع لكم فيديو أأكدلكم فيه ولكل اللي مدرسش هندسة إن الأمر خدعة وان احنا عمرنا ما درسنا أي شئ في الإنشاءات وأنواع السلالم بالشكل ده وماشفناش خداع التداخل الهندسي إلا في بعض لوحات لرسامين خيالهم عالي زي الهولندي إيشر مثلاً ورسامين الأبعاد الثلاثية لكن تطبيقه بالحقيقة مستحيل لعدم إمكانية تطابق المستويات والأبعاد الخيالية بالحقيقة. الفيديو مجرد خدعة مشترك فيها ممثلين بارعين ولو ركزتوا في الدقيقة 0:09 هتلاقوا إن رأس الرجل وقدمه ظهروا بمستويين مختلفين في وقت واحد بالثانية 9 وده يثبت لكم أكتر خداع التركيب بالفيديو.
والكلام اللي قايلينه اللي عملوا الفيديو الأصلي مع الممثلين دول نصفه معلومة صحيحة والنصف الآخر خاطئ عشان يكون الخداع متقن .. إيشر الهولندي فعلاً رسم حاجات زي كدة كتير هو وغيره لكن تطبيقها بالحقيقة مستحيل لعدم إمكانية تطابق المستويات والأبعاد الخيالية بالحقيقة , ومافيش مهندس فلبيني نفذها في أمريكا ولا حاجة ومجرد دي خدعة.
فيه صديق كان إجتهد وقال إنهم عرفوا أخيراً يعملوا نموذج مجسم بنروز على الحقيقة ومجسم بنروز ده للي مش عارف عنه شئ هو مجسم سلالم الصعود اللامتناهية , بس عايز اقول للصديق ده إنك عشان تعمل نموذج بنروز لازم يكون الأربع أوجه للشكل سلالم في نموذج (مجسم سلالم الصعود اللامتناهية) أو (بنروز) إنما لو سلم من ناحيتين بس والناحيتين التانيين طوابق تبقى خدعة رخيصة زي اللي موجودة قدامكم في الفيديو .. وده خداع سئ وإسغلال لعقول لناس ماتعرفش حاجة عن الهندسة ومجرد مضيعة للوقت.
تحياتي لكم
مهندس مدني : أحمد صلاح - مصر
يشرفني إشتراككم بقناتي: AhmedLionHeart